Tovuzda ölümlə nəticələnən ağır yol-nəqliyyat hadisəsi baş verib.
Oxu.Az APA-ya istinadla xəbər verir ki, hadisə rayonun Aşağı Quşçu kəndi ərazisində qeydə alınıb.
İlkin məlumata görə, "Chevrolet" və "Mercedes" markalı minik avtomobilləri toqquşub. Zərbənin təsirindən avtomobillərdən biri yol kənarında dayanan "Opel" və VAZ-2106 markalı avtomobillərinə çırpılıb.
Zəncirvari qəza nəticəsində "Mercedes"in sürücüsü, 2004-cü il təvəllüdlü Ə.Qasımov ağır xəsarət alıb. O, xəstəxanaya aparılarkən yolda ölüb.
Hadisə yerinə polis əməkdaşları cəlb olunublar.
Faktla bağlı araşdırma aparılır.
Qaynar xətt:
(055) 224 12 12
:640.jpg)
