Avropanın əsas futbol çempionatlarında yay transfer pəncərəsi başa çatmaq üzrədir.
Oxu.Az xəbər verir ki, İngiltərə, İspaniya, İtaliya, Almaniya və Fransa klubları transferin son günündə heyətlərini gücləndirmək üçün son cəhdlərini edirlər.
Avropanın əsas liqalarında transfer pəncərəsinin bağlanma vaxtları belədir:
Bundesliqa (Almaniya) - 1 sentyabr, saat 21:00 (Azərbaycan vaxtı).
Liqa 1 (Fransa) - 1 sentyabr, saat 21:00 (Azərbaycan vaxtı).
Serie A (İtaliya) - 1 sentyabr, saat 21:00 (Azərbaycan vaxtı).
La Liqa (İspaniya) - 2 sentyabr, saat 00:59 (Azərbaycan vaxtı).
Premyer Liqa (İngiltərə) - 2 sentyabr, saat 02:00 (Azərbaycan vaxtı).
Qeyd edək ki, İngiltərədə klublar son anda razılaşdırılan transferlərlə bağlı xüsusi "deal sheet" təqdim edə bilirlər. Bu halda müəyyən şərtlər daxilində sənədləşmə üçün əlavə vaxt verilir.
Beləliklə, Avropanın aparıcı çempionatlarında transfer bazarında son saatlar yaşanır. Bir çox klubun yeni futbolçu transferi və heyətindəki bəzi oyunçularla bağlı qərarlarını məhz "Deadline Day"də verməsi gözlənilir.
