Azərbaycanın qadın futbolçulardan ibarət millisi dünya çempionatının seçmə mərhələsinə qələbə ilə başlayıb.
Oxu.Az xəbər verir ki, C Liqasının 3-cü qrupunda "Dalğa Arena"da Şimali Makedoniyanı qəbul edən Siyasət Əsgərovun baş məşqçisi olduğu komanda 2:0 hesabı ilə qalib gəlib.
Qolları 28 və 77-ci dəqiqələrdə kapitan Sevinc Cəfərzadə vurub.
Qeyd edək ki, millimiz qrupda növbəti oyununu martın 7-də Felksut şəhərində yerləşən "Panço Arena"da Macarıstan yığmasına qarşı keçirəcək.
Bu gün qadın futbolçulardan ibarət Azərbaycan milli yığması 2027-ci il dünya çempionatının seçmə mərhələsi çərçivəsində ilk sınağına çıxacaq.
Oxu.Az xəbər verir ki, C Liqasının 3-cü qrupunda mübarizə aparan komandamız qrup mərhələsinin ilk görüşündə Şimali Makedoniya kollektivi ilə üz-üzə gələcək.
"Dalğa Arena"da təşkil olunacaq və saat 15:00-da start götürəcək qarşılaşmanı Polşadan olan hakimlər briqadası idarə edəcək.
Qeyd edək ki, Azərbaycan yığması seçmə mərhələdəki ikinci oyununu martın 7-də səfərdə Macarıstan millisinə qarşı keçirəcək. Felksut şəhərində yerləşən "Panço Arena"da baş tutacaq həmin görüşün start fiti Bakı vaxtı ilə saat 20:00-da səslənəcək.
