"Beşiktaş" klubu Mert Günokla bağlı yekun qərarını verib

Türkiyənin "Beşiktaş" klubu təcrübəli qolkiper Mert Günokla ikiillik müqavilə imzalamaq istəyir.

Oxu.Az "NTVspor"a istinadən xəbər verir ki, "ağ-qaralar" 2021-ci ildə "Başakşəhər"dən transfer edilən Mərt Günokun performansından razı qaldıqları üçün müqavilə müddətini daha iki il uzatmaq qərarına gəliblər.

Mert Günok özü də "Beşiktaş"da qalmaq istədiyini və təklifi qəbul edəcəyini bildirib.

Qeyd edək ki, "Beşiktaş" forması ilə ümumilikdə 96 oyunda meydana çıxan Mert Günok Türkiyə Kuboku və Türkiyə Superkubokunun qalibi olub.