Ermənistan millisini darmadağın edən basketbolçularımızdan daha bir zəfər

Kişilərdən ibarət 3X3 basketbol üzrə Azərbaycan millisi Kosovonun paytaxtı Priştinada keçirilən Avropa Kubokunun təsnifat mərhələsində növbəti oyununa çıxıb.

"Report"un məlumatına görə, yığma ikinci matçında Kosovo seçməsi ilə üz-üzə gəlib.

Komandamız meydan sahiblərini 14:10 hesabı ilə üstələyib.

Qeyd edək ki, ilk görüşdə Ermənistan kollektivini məğlub edən (21:9) millimiz hazırda B qrupunda liderdir.

12:19

Kişilərdən ibarət 3x3 basketbol üzrə Azərbaycan millisi Kosovonun paytaxtı Priştinada keçiriləcək Avropa Kubokunun təsnifat mərhələsinə qələbə ilə start verib.

"Report"un məlumatına görə, yığma ilk matçında Ermənistan seçməsi ilə üz-üzə gəlib.

Komandamız rəqibini 21:9 hesabı ilə üstələyib.

Qeyd edək ki, Azərbaycan millisi bu gün Kosovo və Kiprlə də üz-üzə gələcək. Qadınlardan ibarət yığma isə Malta və Lüksemburqu sınağa çəkəcək.

10:00

Bu gün Azərbaycanın kişi və qadınlardan ibarət 3x3 basketbol milliləri Kosovonun paytaxtı Priştinada keçiriləcək Avropa Kubokunun təsnifat mərhələsində mübarizəyə başlayacaq.

Oxu.Az-ın məlumatına görə, turnirdə ilk olaraq kişi basketbolçular iştirak edəcəklər.

Komandamız Ermənistan seçməsi ilə üz-üzə gələcək.

Qadınlardan ibarət yığmanın ilk sınağı isə Maltaya qarşı olacaq.

8 iyun

Kişilər

11:30. Ermənistan - Azərbaycan

16:10. Azərbaycan - Kosovo

19:40. Kipr - Azərbaycan

23:45. Azərbaycan - Albaniya

Qadınlar

17:50. Azərbaycan - Malta

23:20. Azərbaycan - Lüksemburq

Qeyd edək ki, yarış iyunun 9-da başa çatacaq.