Bundesliqa: "Bavariya" Mülleri qələbə ilə yola saldı

Almaniya Bundesliqasının 33-cü turunda "Bavariya" Münhenqladbax "Borussiya"sını qəbul edib.

Oxu.Az xəbər verir ki, oyunun keçirildiyi "Arena Münhen" stadionunda meydan sahiblərinin 35 yaşlı yarımmüdafiəçisi Tomas Müller üçün vida mərasimi təşkil edilib. Futbolçu ilk dəqiqələrdən meydana çıxıb və 83-cü dəqiqədə əvəzlənib. Bu oyun onun "Bavariya"nın ev stadionunda sonuncu oyunu olub. Yayda Müller azad agent kimi klubu tərk edəcək.

Matça gəlincə, "Bavariya" Mülleri qələbə ilə yola salıb. Harri Keyn və Maykl Olisenin qolları komandaya qələbə qazandırıb - 2:0.

Beləcə, artıq vaxtından əvvəl çempionluğu təmin edən Münhen klubu xallarının sayını 79-a yüksəldib. Münhenqladbax "Borussiya"sı 45 xalla 9-cu pillədə qərarlaşıb.