Ərəblər Paulo Dibala üçün 75 milyon avro təklif göndərdilər

Hazırda karyerasını İtaliyanın "Roma" klubunda davam etdirən Paulo Dibalanı Səudiyyə Ərəbistanı liqasında çıxış edən "Əl-Kadisiya" heyətinə qatmaq istəyir.

Oxu.Az "Todofichajes"ə istinadən xəbər verir ki, klub artıq argentinalı forvard üçün 75 milyon avroluq təklif göndərilib.

Səudiyyə Ərəbistanı təmsilçisi Dibalaya 3 illik müqavilə təklif edib. Argentinalının da bu təklifi qəbul edib, Yaxın Şərqə getmək istədiyi bildirilir.

Qeyd edək ki, 31 yaşlı forvard A Seriyasının cari mövsümündə 21 oyun keçirib, altı qol vurub və iki məhsuldar ötürmə edib. Dibalanın paytaxt klubu ilə müqaviləsinin müddəti 2026-cı ilin ortalarına qədərdir və onun bazar dəyəri səkkiz milyon avrodur.