2019-cu ildə Bakıda keçirilən “Formula 1” Azərbaycan Qran Prisinin tarixi açıqlanıb.
Oxu.Az “Formula 1”-in rəsmi saytına istinadən xəbər verir ki, 2019-cu ildə keçiriləcək yarışın ilkin təqvimi açıqlanıb.
İlkin təqvimə əsasən, Bakıda növbəti “Formula 1” yarışı gələn il aprelin 28-də keçiriləcək. Lakin yekun təqvim Beynəlxalq Avtomobil Federasiyasının (FIA) oktyabrın 12-də keçirəcəyi Dünya Motor İdmanı Şurasının iclasında təsdiq olunacaq.
| Tarix | Qran Pri | Yer |
| 17 mart | Avstraliya | Melburn |
| 31 mart | Bəhreyn | Saxir |
| 14 aprel | Çin | Şanxay |
| 28 aprel | AZƏRBAYCAN | BAKI |
| 12 may | İspaniya | Barselona |
| 26 may | Monako | Monako |
| 9 iyun | Kanada | Monreal |
| 23 iyun | Fransa | Le Kastelle |
| 30 iyun | Avstriya | Şpilberq |
| 14 iyul | Böyük Britaniya | Silverston |
| 28 iyul | Almaniya | Hokenhaym |
| 4 avqust | Macarıstan | Budapeşt |
| 1 sentyabr | Belçika | Spa |
| 8 sentyabr | İtaliya | Monsa |
| 22 sentyabr | Sinqapur | Sinqapur |
| 29 sentyabr | Rusiya | Soçi |
| 13 oktyabr | Yaponiya | Suzuka |
| 27 oktyabr | Meksika | Mexiko |
| 3 noyabr | ABŞ | Ostin |
| 17 noyabr | Braziliya | San Paulu |
| 1 dekabr | Əbu Dabi | Yas Marina |
Qeyd edək ki, 27-29 aprel 2018-ci il tarixlərində Bakıda keçirilən “Formula 1” Azərbaycan Qran Prisinin qalibi “Mercedes” komandasının pilotu Luis Hamilton olub.
Səbuhi MUSAYEV
www.oxu.az
