Vətən müharibəsi qazisi: "Formula-1" yarışını tribunadan izləmək çox xoşdur"

"Fəxr edirəm ki, ölkəmizdə bu cür beynəlxalq səviyyəli yarış keçirilir".

Oxu.Az xəbər verir ki, bu sözləri Azərbaycanın 8-ci dəfə ev sahibliyi etdiyi "Formula-1" üzrə Azərbaycan Qran-prisində tamaşaçı kimi iştirak edən Vətən müharibəsi qazisi Rafiq Rəhimov jurnalistlərə açıqlamasında deyib.

O, duyğularını sözlə ifadə etməyin çətin olduğunu bildirib:

"Burada olmaq və dünyanın bir nömrəli avtomobil yarışını izləmək çox xoşdur. Bizim üçün ideal şərait yaradılıb. Mən Suraxanı rayonundan "Formula-1" üçün gəlmişəm. Həmin ərazidən şəhid ailələri və qazilər üçün xüsusi maşınlar ayrılıb. Hazırda olduğumuz məkandan da razıyıq. Hər kəsə minnətdaram. Pilotlara isə uğurlar arzulayıram".

Qeyd edək ki, "Formula-1" Azərbaycan Qran-prisinə bu gün yekun vurulacaq.