İngiltərə Premyer Liqası: "Çelsi" 3 xalı 3 qolla aldı

İngiltərə Premyer Liqasının 22-ci turunda "Çelsi" doğma azarkeşləri önündə "Vulverhempton"u qəbul edib.

Oxu.Az xəbər verir ki, "Stemford Bric"də baş tutan matçda tamaşaçılar 4 qolun şahidi olublar.

Rəqibi 3 dəfə meydanın mərkəzinə dəvət edən "zadəganlar" öz qapılarından yalnız 1 top buraxıblar.

Bu qələbədən sonra "Çelsi" turnir cədvəlində "Mançester Siti"ni keçərək 4-cü pilləyə yüksəlib. Komandanın hesabında 40 xal var. "Vulverhempton" isə 16 xalla 17-cidir. Yarışa 21 oyundan 50 xalla "Liverpul" başçılıq edir.