İngiltərə Premyer Liqası: "Çelsi" - "Mançester Yunayted" matçının taleyini tək qol həll etdi

İngiltərə Premyer Liqasında 37-ci turun maraqlı qarşılaşması başa çatıb.

Oxu.Az xəbər verir ki, Londonda "Çelsi" və "Mançester Yunayted" üz-üzə gəliblər.

Oyunun taleyini bir qol həll edib. 71-ci dəqiqədə Ris Ceymsin məhsuldar ötürməsini alan "Çelsi"nin müdafiəçisi Mark Kukurella fərqlənərək komandasına vacib 3 xalı qazandırıb - 1:0.

Keçirilən 37 oyundan sonra "Çelsi" 66 xalla İngiltərə Premyer Liqasının turnir cədvəlində 4-cü yerdədir. "Mançester Yunayted" isə eyni sayda oyundan sonra 39 xalla 16-cıdır.