"Qalatasaray"ın tezliklə müqavilə müddəti başa çatacaq ulduz futbolçusu Mauro İkardi ilə yollarını ayıracağı gözlənilir.
Oxu.Az-ın Türkiyə mətbuatına istinadən yaydığı məlumata görə, İstanbul təmsilçisinin rəhbərliyi argentinalı hücumçu ilə hələ ki, yeni müqavilə barədə heç bir rəsmi danışıq aparmayıb.
İddialara görə, "sarı-qırmızılar" hücum xəttində yaranacaq boşluğu məhz Omar Marmuşun transferi ilə doldurmağı planlaşdırır.
Xatırladaq ki, Omar Marmuş 2025-ci ilin yanvar ayında 75 milyon avro qarşılığında İngiltərənin "Mançester Siti" klubuna keçid etmişdi. Gənc forvard cari mövsüm ərzində meydana çıxdığı 35 qarşılaşmada rəqib qapılarından ümumilikdə 8 top keçirib.
Qaynar xətt:
(055) 224 12 12
