"Formula-1" üzrə dünya çempionatının 13-cü mərhələsi olan İtaliya Qran-prisinin ilk məşq sessiyasında "Ferrari" komandasının sürücüsü Şarl Lekler ən sürətli nəticəyə imza atıb.
Bu barədə Oxu.Az çempionatın rəsmi saytına istinadən xəbər verir.
Monakolu pilot ən sürətli dövrəni 1 dəqiqə 23.008 saniyəyə başa vurub. İkinci pillədə ondan 0.173 saniyə geri qalan komanda yoldaşı, britaniyalı Lyuis Hemilton qərarlaşıb. Liderdən 0.304 saniyə geridə qalan "Mercedes" təmsilçisi Corc Rassell isə ilk üçlüyü tamamlayıb.
Monza avtodromunda keçiriləcək ikinci məşq sessiyasının nahar fasiləsindən sonra (Bakı vaxtı ilə saat 18:00) baş tutması planlaşdırılır.
Qaynar xətt:
(055) 224 12 12
