Mourinyo "Fənərbağça" ilə müqavilə imzalayır?

Baş məşqçi İsmail Kartalla yollarını ayıran və məşqçi axtarışlarını davam etdirən "Fənərbağça"nın Joze Mourinyo ilə iki illik müqavilə imzaladığı bildirilir.

Bu barədə italyalı jurnalist Canluka Di Marzio xəbər yayıb.

Bildirilir ki, klubun portuqaliyalı məşqçi ilə transfer danışıqlarını prezident Ali Koç aparıb.

Qeyd edək ki, 59 yaşlı portuqaliyalı mütəxəssisin Türkiyə Superliqasında ilk təcrübəsi olacaq. Bundan əvvəl xəbər yayılmışdı ki, Mourinyo Türkiyə klublarına şərt irəli sürüb. Belə ki, "Beşiktaş" və "Fənərbağça" klublarının təklif göndərdiyi məşqçi minimum 3 illik müqavilə imzalanacağı təqdirdə təklifi qəbul edəcəyini demişdi.

Mourinyo "Fənərbağça" ilə müqavilə imzalayır?