Avstriyada təlim-məşq toplanışını davam etdirən "Qarabağ" növbəti yoxlama oyununu keçirib.
Oxu.Az xəbər verir ki, Ağdam təmsilçisi hazırlıq çərçivəsində Macarıstanın "Ferentsvaroş" komandası ilə qarşılaşıb və görüş rəqibin 1:0 hesablı qələbəsi ilə başa çatıb.
Bundan əvvəl "Qarabağ" Ukraynanın "Xarkov" klubu ilə üz-üzə gəlib. Gərgin keçən qarşılaşma ukraynalıların 6:2 hesablı üstünlüyü ilə yekunlaşıb. "Qarabağ"ın heyətində qollara 48-ci dəqiqədə yeni transfer Jali Muaddib və 68-ci dəqiqədə penaltidən Kadi Borges imza atıblar.
Xatırladaq ki, Avstriya toplanışına uğurlu başlayan Qurban Qurbanovun yetirmələri ilk sınaq oyununda yerli "Tirol" klubunu 4:0 hesabı ilə məğlub etmişdi.
Qaynar xətt:
(055) 224 12 12
