"Qarabağ"ın sabiq müdafiəçisi özünü MMA-da sınamaq qərarına gəlib

"Qarabağ"ın sabiq futbolçusu Yakub Jezniçak özünü qarışıq döyüş sənətində (MMA) sınayacaq.

Oxu.Az xəbər verir ki, polşalı veteran futbolçu bu barədə özü sosial şəbəkə hesabı üzərindən məlumat yayıb.

Jezniçak paylaşımında ilk görüşünün vaxtını da qeyd edib:

"Dekabrın 7-də FAME MMA-da Rocer Salla ilə qarşılaşacağam. Emosiyalarla dolu gözəl idman mübarizəsi göstərməyə çalışacağıq! Rəqib təcrübəlidir və o mənə xeyli problem yaşadacaq. Amma mən belə mübarizəni sevirəm".