Futbolda oyun alqı-satqısı istintaqı çərçivəsində saxlanmış Türkiyə Milli Olimpiya Komitəsinin prezidenti Ahmet Gülüm və TFF-nin sabiq katibi Ebru Köksal sərbəst buraxılıblar.
Oxu.Az xəbər verir ki, bu barədə "Haber Global" telekanalı məlumat yayıb.
Eyni iş üzrə saxlanmış Türkiyə Futbol Federasiyasının (TFF) keçmiş sədr müavini Lütfi Arıboğan və İlhan Helvacı barəsində isə başqa yerə getməmək haqqında iltizam qətimkan tədbiri seçilib və onlar hakim qarşısına çıxarılacaqlar.
Xatırladaq ki, Lütfi Arıboğan, Ahmet Gülüm, İlhan Helvacı və Ebru Köksal "FETÖ/PDY silahlı terror təşkilatına yardım" və "istintaq məxfiliyini pozma" cinayətləri üzrə prokurorluqda ifadə veriblər.
Futbolda oyun alqı-satqısı istintaqı çərçivəsində Türkiyə Futbol Federasiyasının (TFF) keçmiş sədr müavini Lütfi Arıboğan, Ahmet Gülüm, İlhan Helvacı və Ebru Köksal saxlanılıblar.
Oxu.Az "Haber Global"a istinadən xəbər verir ki, İstanbul Baş Prokurorluğu Terror Cinayətləri İstintaq Bürosu tərəfindən aparılan istintaqda Lütfi Arıboğan, Ahmet Gülüm, İlhan Helvacı və Ebru Köksal haqqında "FETÖ/PDY silahlı terror təşkilatına yardım" və "istintaq məxfiliyini pozma" cinayətlərinə görə həbs qərarı verilib.
Dörd şübhəli İstanbul Məhkəməsinə gətirilib. Şübhəlilərin prokurorluqdakı ifadə vermə prosesi başlayıb.
