Türkiyə Kuboku: "Qalatasaray" "Başakşehir"lə bacarmadı

Türkiyə Kuboku çərçivəsində C qrupunda oyunlara start verilib.

Oxu.Az xəbər verir ki, ilk qarşılaşmada "Eyupspor" "Boluspor"a minimal hesabla qalib gəlib - 1:0.

Daha böyük maraq doğuran ikinci matçda isə İstanbul derbisi baş tutub. Turnirin ən çox qalibi olmuş (18 dəfə) "Qalatasaray" "Başakşehir"i qəbul edib.

Qarşılaşmada qalibi müəyyən etmək mümkün olmayıb - 2:2. Oyunun son dəqiqələrində qonaq komanda azlıqda qalsa da, bu, yekun hesaba təsir etməyib.

Qeyd edək ki, adıçəkilən klublarla yanaşı C qrupunda "Konyaspor" və "Çorum" kollektivləri də yer alır.

12:20

Bu gün Türkiyə Kubokunun I turu çərçivəsində "Qalatasaray" doğma meydanda "Başakşəhər"i qəbul edəcək.

Oxu.Az xəbər verir ki, bu görüşlə yanaşı daha üç qarşılaşma keçiriləcək.

"Kırklarelispor" klubu "Bodrumspor"u saat 14:00-da, "Eyüpspor" klubu "Boluspor"u saat 16:30-da, "Trabzonspor" isə "Alanyaspor"u saat 19:00-da qəbul edəcək.

"Qalatasaray" - "Başakşəhər" matçı Bakı vaxtı ilə saat 21:30-da start götürəcək.

Qeyd edək ki, I turun ilk oyun günündə "Beşiktaş" klubu "Sivasspor"u 1:0, "Antalyaspor" klubu "Kocaelispor"u 3:1, "Fatih Karagümrük" klubu "Rizespor"u 1:0 hesabı ilə məğlub edib.

8 yanvar

Türkiyə Kuboku

I tur

Saat 14:00, "Kırklarelispor" - "Bodrumspor";

Saat 16:30,"Eyüpspor" - "Boluspor";

Saat 19:00, "Trabzonspor" - "Alanyaspor";

Saat 21:30, "Qalatasaray" - "Başakşəhər".