"Beşiktaş"a transferi baş tutmayan Kayl Uolker-Peters "Vest Hem"ə keçib.
Oxu.Az xəbər verir ki, 28 yaşlı sağ cinah müdafiəçisinin "qara qartallar"la müqavilə imzalamamasının səbəbi bəlli olub.
İddialara görə, ingiltərəli futbolçunun İstanbul təmsilçisinə gəlməməsinə komandanın digər ingiltərəli oyunçusu Aleks Oksleyd-Çemberleyn mane olub. 31 yaşlı yarımmüdafiəçi Petersə zəng edərək klub haqqında mənfi fikirlər bildirib və "Beşiktaş"a gəlməməyi tövsiyə edib.
Xatırladaq ki, Kayl Uolker-Peters "Vest Hem"lə 3 illik müqavilə imzalayıb.
Qeyd edək ki, "Beşiktaş" rəhbərliyi Çemberleyni komandadan göndərmək istəsə də, futbolçu bu təklifi qəbul etməyib.
