Yaponiyada ev heyvanlarını əvəz edə biləcək robotlar satışa çıxarılıb.
Oxu.Az TASS-a istinadən xəbər verir ki, Groove X şirkəti tərəfindən hazırlanan Lovot robotu insanların davranışını təhlil edir və bundan asılı olaraq onlara qarşı münasibətini müəyyən edir.
Məsələn, Lovot onu vuran və ya xətrinə dəyən insandan çəkinir və qaçır.
Robotun hündürlüyü dizə qədərdir. Lovot yata bilir, müxtəlif fəndləri yerinə yetirir. O, süni intellektə malikdir.
Bundan başqa robot kamera ilə təchiz edilib ki, bu da ondan təhlükəsizlik sistemi kimi istifadə etməyə və evdə olan uşaqlara nəzarət etməyə imkan verir.
Robot cüt şəkildə satılır və onun qiyməti 5 min ABŞ dollarıdır.
Ev heyvanlarını əvəz edən robotlar satışa çıxarıldı - VİDEO
www.oxu.az
