Bu ilin iyunun 1-nə Azərbaycanın milli valyutası - manatın dövretmə sürəti 2.96 bənd təşkil edib.
Oxu.Az xəbər verir ki, bu barədə Azərbaycan Mərkəzi Bankı (AMB) məlumat yayıb.
Bildirilib ki, bu, aylıq müqayisədə eyni, ilin əvvəli ilə müqayisədə 0.24 bənd, ötən ilin iyunun 1-nə nisbətən isə 0.4 bənd azdır.
AMB-nin statistikasına əsasən, manatın dövretmə sürətinin son 21 il ərzində ən aşağı həddi 2015-ci ilin yanvar ayının yekununda, yəni son illərin ilk devalvasiyası ərəfəsində qeydə alınıb və 2.68 bənd təşkil edib. Bu göstəricinin ən yüksək həddi isə 2005-ci ildə (15.72 bənd) qeydə alınıb.
Qaynar xətt:
(055) 224 12 12
