Bakıda qadına məxsus külli miqdarda pulu oğurlamış şəxs tutulub.
Oxu.Az Lent.az-a istinadən xəbər verir ki, Bakı şəhəri Baş Polis İdarəsindən verilən məlumata görə, sentyabrın 24-də Gəncə şəhər sakini Gülcamal Hüseynovanın içərisində 46 000 ABŞ dolları olan əl çantası onun qonaq gəldiyi Taleh Seyidovun kirayədə yaşadığı Keşlə qəsəbəsindəki evindən oğurlanıb.
Keçirilmiş əməliyyat-axtarış tədbirləri nəticəsində oğurluqda şübhəli bilinən Taleh Seyidov Nizami RPİ 23-cü PB əməkdaşları tərəfindən tutulub.
Faktla əlaqədar araşdırmalar aparılır.
