Çinin "Tsin Mao" qülləsindəki hotelin videosunu görənlər ora getmək istəmirlər

Çinin Şanxay şəhərində yerləşən 33 mərtəbəli hotel çılğın memarlığı ilə potensial qonaqları özündən uzaqlaşdırır.

Oxu.Az "Sözcü" qəzetinə istinadla xəbər verir ki, hotelin videosuna baxanlarda hündürlük qorxusu birə-beş artır.

Belə ki, hotel hündürlüyü 420 metr olan 88 mərtəbəli "Tsin Mao" qülləsində yerləşir. Hotel qüllənin 53-cü və 87-ci mərtəbələri arasında fəaliyyət göstərir.

Hotelin atriumu (bina ilə əhatə olunmuş açıq hava və ya üstü örtülmüş böyük məkan - red) 56-cı mərtəbədən yüksələrək 115 metrə çatır.

Atriumun ətrafında 548 otaq və 28 dəhliz var. Sosial şəbəkə istifadəçiləri ona həm heyranlıqlarını bildirirlər, həm də çox qorxduqlarını gizlətmirlər.