İlham Əliyevdən yeni ərazilərin işğaldan azad olunması ilə paylaşım - FOTO

Azərbaycan Prezidenti İlham Əliyev ordumuz tərəfindən Füzuli, Cəbrayıl və Zəngilan rayonlarının 22 yaşayış məntəqəsinin işğaldan azad edilməsi ilə bağlı “Twitter” hesabında paylaşım edib.

Prezident bildirib:

“Rəşadətli Azərbaycan ordusu Füzuli rayonunun Gecəgözlü, Aşağı Seyidəhmədli, Zərgər kəndlərini, Cəbrayıl rayonunun Bələnd, Papı, Tulus, Hacılı, Tinli kəndlərini işğaldan azad edib.

Bundan əlavə, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndlərini işğaldan azad edilmişdir.

Eşq olsun Azərbaycan Ordusuna! Qarabağ Azərbaycandır!”.