Müğənni Röya Ayxan ANS-də yayımlanan “Alın yazısı” verilişində bəstəkar Nailə Mirməmmədlinin dünyasını dəyişən oğlundan danışıb.
Oxu.Az xəbər verir ki, Axşam.az-ın məlumatına görə, sənətçi hadisəni belə xatırlayıb:
“Ailəsi ona dənizə getməyə icazə vermirdi. O da bir gün əvvəldən mənə zəng etdi ki, anama deyərsən, səninlə dənizə gedirəm. Əslində isə dostları ilə yollanırdı. Razılaşmadım, dedim, olmaz. Dənizi neynirsən, ad günün olacaq, get dostlarınla ye, iç. Yaxşı ki, onunla getməmişdim. Hadisə mənim gözümün önündə baş versəydi, özümü öldürərdim, yaşaya bilməzdim”.
Qeyd edək ki, Nailə xanımın və mərhum bəstəkar Hikmət Mirməmmədlinin 14 yaşlı oğlu dənizdə boğularaq dünyasını dəyişib.
