Xalq artisti Röya Ayxan Fransada keçirilən Kann Film Festivalı çərçivəsində təşkil olunan "I Success Top 100 Awards Gala" tədbirində iştirak edib.
Oxu.Az xəbər verir ki, estrada ulduzu ağ və qara rəngli libası ilə qırmızı xalıda addımlayaraq diqqət mərkəzinə düşüb. Sənətçi stilist Anar Ağakişiyevlə birlikdə kameralar qarşısına keçib.
Tədbir çərçivəsində Röya Ayxan müasir Azərbaycan musiqisinə verdiyi töhfələrə görə "Azərbaycan musiqisinin mədəniyyət səfiri" mükafatı ilə təltif olunub.
Qeyd edək ki, "I Success" - biznes, mədəniyyət, incəsənət və innovasiya sahələrində uğurları qeyd edən beynəlxalq platformadır. Onun əsas tədbiri olan "I Success Top 100 Awards Gala" müxtəlif dünya şəhərlərində, o cümlədən Buxarest və Kann şəhərlərində keçirilir. Gala gecəsində öz sahəsində fərqlənən 100 nüfuzlu şəxs və təşkilat mükafatlandırılır. Tədbirin məqsədi fikir liderlərini, sənətçiləri, sahibkarları və ictimai xadimləri bir araya gətirmək, əməkdaşlıq və ilham üçün platforma yaratmaqdır.
Həmin görüntüləri təqdim edirik:
