Xizək kurortunda qalmaqal: "Altıncı hiss" filminin ulduzu saxlanıldı

"Altıncı hiss" ("The Sixth Sense") filminin ulduzu Heyli Coel Osment Kaliforniya ştatında saxlanılıb.

Oxu.Az-ın məlumatına görə, bu barədə TMZ portalı xəbər verir.

Bildirilib ki, buna səbəb ABŞ-li aktyorun xizək kurortunda sərxoş vəziyyətdə olmasıdır. Bundan əlavə, Osmentdə müəyyən "nəzarətdə olan maddələr" aşkar edilib.

Hazırda aktyor azadlıqdadır. Ondan götürülən maddə analiz üçün laboratoriyaya göndərilib.

Mono dairəsinin prokuroru Osmentə qarşı iş qaldırılmasının məqsədəuyğunluğu məsələsini həll edir.

Materialda qeyd olunub ki, "Altıncı hiss" və "Süni intellekt" ("A.I. Artificial Intelligence") filmlərinin ulduzunun alkoqolla əlaqəli hüquq pozuntularına görə saxlanılması ilk dəfə deyil.