Azərbaycanda ailə, əmək mübahisəsi ilə bağlı yeni qanun layihəsi hazırlanıb.
Oxu.Az-ın Milli Məclisdən (MM) əldə etdiyi məlumata görə, söhbət “Mediasiya haqqında” qanun layihəsindən gedir.
Ölkə prezidentinin imzası ilə MM-ə təqdim olunmuş yeni qanun layihəsinin ilkin variantı 5 fəsil və 39 maddədən ibarətdir.
Qanun layihəsinə görə, mediasiya - tərəflər arasında yaranmış ailə, əmək, iqtisadi və s. xarakterli mübahisənin mediatorun vasitəçiliyi ilə qarşılıqlı razılıq əsasında həllinə yönəlmiş prosesdir.
Yəni “Mediasiya haqqında” qanun bu prosesin təşkili sahəsində ictimai münasibətləri tənzimləyəcək, mediasiyanın məqsəd və prinsiplərini, həyata keçirilmə qaydalarını, həmçinin mediatorun statusunu müəyyənləşdirəcək.
Kamil HƏMZƏOĞLU
