Ən son xəbərləri bizim "Instagram" səhifəmizdə izləyin

İrəvanda "Qarabağ" mahnısı oxuyanların videosunu yayan şəxs cəzalandırıldı
İrəvan məhkəməsi Ermənistan paytaxtının mərkəzi meydanında əcnəbilərin "Qarabağ" haqqında mahnı oxuduğu videonu yayan alim Qərib Babayana həbs cəzası verməkdən imtina edib.
Oxu.Az erməni KİV-ə istinadən xəbər verir ki, bu barədə Babayanın vəkili Abqar Poqosyan məlumat verib.
"Məhkəmə həbs qətimkan tədbiri ilə bağlı vəsatəti rədd edib, əvəzində inzibati nəzarət və ictimai çıxışların məhdudlaşdırılmasını seçib", - deyə vəkil bildirib.
Xatırladaq ki, yanvarın 30-da sosial şəbəkələrdə bir qrup şəxsin İrəvanın Respublika meydanında Azərbaycan dilində "Qarabağ" mahnısını ifa etdiyi video yayılıb. Videonun yayımlanması geniş rezonansa səbəb olub. Yanvarın 31-də Ermənistanın Milli Təhlükəsizlik Xidməti bəyanat yayaraq, Respublika meydanındakı şəxslərin dekabrın 30-dan yanvarın 3-dək Ermənistanda olan İran vətəndaşları olduğunu qeyd edib. Kadrları yayan Babayan isə saxlanılıb, İstintaq Komitəsi onun həbsi ilə bağlı vəsatət qaldırıb.
"Ermənistan" teqi üzrə xəbərlər
- Ararat Mirzoyan: "Ermənistan Hindistan silahlarını almaqda maraqlıdır"
- Paşinyan türkiyəli jurnalistlərə ilk müsahibəsini verdi
- Paşinyan Aİ-nin baş katibi ilə Azərbaycanla Ermənistan arasında sülh prosesini müzakirə edib
- Qərbi Azərbaycan İcması: "Ermənistanda Azərbaycana qarşı təxribatlar səngimək bilmir"
- Avropa İttifaqının müşahidə missiyası yenidən sərhəddə: Durbinlə Qubadlı ərazisinə baxıblar