"Fransa müstəmləkəçiliyin günahkarıdır, baş vermiş cinayətlər tanınmalı və təzminat verilməlidir".
Oxu.Az xəbər verir ki, bu fikri Fransanın müstəmləkəçilik siyasətinin əsarətində olan Qvadelup adasına həsr olunmuş, Bakıda keçirilən "Qvadelupun dekolonizasiyasına doğru! Çağırışlar və perspektivlər" adlı beynəlxalq tematik konfransda Qvadelup nümayəndəsi Joze Marten Jan-Pyer deyib.
"Biz bu gün qürurlu bir xalqın təmsilçisi olaraq çıxış edirik. Biz eyni acıları yaşamış, azadlıq və ədalət axtaran xalqların nümayəndəsi kimi buradayıq. Baş vermiş cinayətlər tanınmalı, təzminat verilməlidir. Biz burada ədalət axtarırıq. Bakı Təşəbbüs Qrupuna və Azərbaycan xalqına bizə bu yolda göstərdikləri dəstəyə görə təşəkkür edirik", - deyə o qeyd edib.
Nümayəndənin sözlərinə görə, Fransa Qvadelupda müstəmləkəçiliyin yaranmasının əsas məsuliyyətini daşıyır və bu siyasət nəticəsində yerli əhali ciddi əzab-əziyyətlərə məruz qalıb.
Aləmdə Nəsib
