Rubio Mərkəzi Asiya-Azərbaycan interkonnektorunun ABŞ maraqlarına uyğunluğunu təsdiqləyib

ABŞ-nin dövlət katibi Marko Rubio beş Mərkəzi Asiya ölkəsini (Qazaxıstan, Türkmənistan, Özbəkistan, Qırğızıstan və Tacikistan) Xəzər dənizi vasitəsilə Azərbaycanla birləşdirəcək transxəzər təbii qaz interkonnektorunun tikintisinin ABŞ və müttəfiqlərinin strateji maraqları ilə uyğun olduğunu təsdiqləyib.

Oxu.Az xəbər verir ki, ABŞ Senatında keçirilən dinləmələr zamanı senator Stiv Deyns Rubiodan bu layihəyə dəstək verilib-verilmədiyi barədə rəy soruşub:

"Düşünürəm ki, bəli. Şübhəsiz ki, bunun dünya üçün böyük əhəmiyyət kəsb etdiyini deyə bilirəm", - Rubio qeyd edib.

Senator Deyns vurğulayıb ki, Mərkəzi Asiya ölkələrinin liderləri ilə keçirdiyi görüşlərdə onların transxəzər enerji keçidinin qurulması ideyasına olduqca müsbət yanaşdıqlarını müşahidə edib.