Ən son xəbərləri bizim "X" səhifəmizdə izləyin
![Türk Dövlətləri Təşkilatının 12-ci rəsmi Zirvə görüşü Azərbaycanda olacaq](https://images.oxu.az/2025/01/29/fIeIWqn1uzKrVeV8Ilu9UftUgTTjtuTYFzDixxjz:1200.png)
Türk Dövlətləri Təşkilatının 12-ci rəsmi Zirvə görüşü Azərbaycanda olacaq
Türk Dövlətləri Təşkilatının 12-ci rəsmi Zirvə görüşü Azərbaycanda baş tutacaq.
Oxu.Az-ın verdiyi məlumata görə, bunu Türkiyənin xarici işlər naziri Hakan Fidan Ankarada təşkil edilən Türkiyə-Azərbaycan-Özbəkistan xarici işlər, ticarət və nəqliyyat nazirlərinin üçtərəfli görüşündən sonra birgə mətbuat konfransında deyib.
O bildirib ki, Asiya və Avropa qitələri arasında ən etibarlı, ən sürətli və iqtisadi marşrut Mərkəzi Asiya-Xəzər Dənizi-Cənubi Qafqaz və Türkiyə xəttidir, bununla belə, regionda enerji böhranı, qeyri-qanuni miqrasiya, terror və radikallıq kimi problemlər var.
"Belə bir geosiyasi mühitdə türk dünyası içərisində həmrəyliyə ehtiyac var. Türk Dövləti Təşkilatı bu yöndə əhəmiyyətini getdikcə artırır. Keçən il əvvəl Şuşada, sonra Bişkekdə (Qırğızıstanın paytaxtı) həyata keçirilən sammitlərdə mühüm qərarlar aldıq. Bu il də iki mühüm sammitimiz var. Qeyri-rəsmi zirvə - Macarıstanda, 12-ci rəsmi zirvə görüşü isə qardaş Azərbaycanda həyata keçiriləcək", - deyə o bildirib.
"Ankarada üçtərəfli görüş" teqi üzrə xəbərlər
- Hərbi ekspert Ankara bəyannaməsini şərh etdi: "Bu, Anadolunu Orta Asiyaya bağlayan vacib sənəddir"
- Türkiyə, Azərbaycan və Özbəkistan arasında imzalanmış Ankara Bəyannaməsi nələri ehtiva edir?
- Azərbaycan, Türkiyə və Özbəkistan nazirlərinin üçüncü üçtərəfli görüşü Bakıda keçiriləcək
- Ceyhun Bayramov: "Qəzzada əldə edilmiş atəşkəsin böyük önəmi var"
- Mikayıl Cabbarov Ankarada üçtərəfli görüşdə müzakirə olunan məsələləri açıqladı