İyn
2021
01:19
477
60
12402
Virtual karabakh

Kəlbəcərdə minaya düşərək həlak olan jurnalistin nəşi Bakıya gətirildi – YENİLƏNİB + FOTO

Kəlbəcərdə minaya düşərək dünyasını dəyişən AZƏRTAC-ın əməkdaşı Məhərrəm İbrahimovun nəşi Bakıya gətirilib.

"Report"un əməkdaşı xəbər verir ki, M.İbrahimovun nəşi ailəsinə təhvil verilib.

Sabah şəhid jurnalistlə yaşadığı Binəqədi rayonu, Rəsulzadə qəbəbəsi, Cəfər Cabbarlı küçəsi 10 ünvanındakı evində vida mərasimi keçiriləcək.

Mərasimdən sonra onun cənazəsi torpağa tapşırılacaq.

Qeyd edək ki, bu gün səhər saatlarında Kəlbəcər rayonunun Susuzluq kəndi ərazisində hərəkət olan yolda çəkiliş qrupunun üzvlərini aparan nəqliyyat vasitəsi tank əleyhinə minaya düşüb. Partlayış nəticəsində çəkiliş qrupunun iki nəfər üzvü, Azərbaycan Televiziyasının operatoru Sirac Abışov və Azərbaycan Dövlət İnformasiya Agentliyinin müxbiri Məhərrəm İbrahimov, habelə rayon icra hakimiyyətinin nümayəndəsi Arif Əliyev həlak olub, 4 nəfər isə yaralanıb.

22:05

Kəlbəcərdə minaya düşərək dünyasını dəyişən AzTV-nin operatoru Sirac Abışovun, AZƏRTAC-ın əməkdaşı Məhərrəm İbrahimovun nəşi yaxınlarına təhvil verilərək Bakı şəhərinə, Susuzluq kənd inzibati dairəsi üzrə nümayəndəsinin müavini Arif Əliyevin nəşi isə Göygöl rayonuna yola salınıb.

“Report”un Qərb Mərkəzinin məlumata görə, onların nəşi bir qədər əvvəl Məhkəmə-Tibbi Ekspertiza və Patoloji Anatomiya Birliyinin Gəncə Şəhər Şöbəsinə təhvil verilib. Media əməkdaşlarının və Susuzluq kənd inzibati dairəsi üzrə nümayəndəsinin müavininin nəşi burada müayinə edilib.

Qeyd edək ki, bu gün səhər saatlarında Kəlbəcər rayonunun Susuzluq kəndi ərazisində hərəkət olan yolda çəkiliş qrupunun üzvlərini aparan nəqliyyat vasitəsi tank əleyhinə minaya düşüb. Partlayış nəticəsində çəkiliş qrupunun iki nəfər üzvü, Azərbaycan Televiziyasının operatoru Sirac Abışov və Azərbaycan Dövlət İnformasiya Agentliyinin müxbiri Məhərrəm İbrahimov, habelə rayon icra hakimiyyətinin nümayəndəsi Arif Əliyev həlak olub, 4 nəfər isə yaralanıb.

20:48

Bu gün sabah saatlarında Kəlbəcər rayonunun Susuzluq kəndi istiqamətində peşə borcunu yerinə yetirərkən mina partlaması nəticəsində həlak olan Azərbaycan Televizyasının operatoru Sirac Abışov və Azərtacın əməkdaşı Məhərrəm İbrahimovun nəşi "Məhkəmə -Tibbi Ekspertiza və Patoloji Anatomiya" Birliyinin Gəncə şəhər Şöbəsində müayinə edildikdən sonra bir neçə saat sonra Bakı şəhərinə yola salınacaq.

Oxu.Az xəbər verir ki, həmçinin hadisə zamanı şəhid olan Susuzluq kənd icra nümayəndəsinin müavini Əliyev Arif Ağalar oğlunun nəşi  Göygöl rayonundakı evinə aparılacaq və sabah dəfn olunacaq.

Məlumat üçün bildirək ki, hazırda "Məhkəmə - Tibbi Ekspertiza və Patoloji Anatomiya" Birliyinin Gəncə şəhər Şöbəsinin qarşısında şəhər İcra Hakimiyyəti rəsmiləri,Kəlbəcər rayon İcra Hakimiyyəti rəsmi və prokurorluq əməkdaşları gözləyir. Vəfat edən şəxslər bir neçə saat sonra Bakı şəhəri və Göygöl rayonuna aparılacaq

20:25

Kəlbəcər rayonunda minanın partlaması nəticəsində həlak olan AzTV-nin əməkdaşı Sirac Abışov və AZƏRTAC-ın əməkdaşı Məhərrəm İbrahimovun nəşi Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə gətirilib.

Oxu.Az xəbər verir ki, onların nəşi müayinə olunduqdan sonra yaxınlarına təhvil veriləcək.

Bizimlə əlaqə saxlayın

Digər Cəmiyyət xəbərləri