28 
Sen
2022
12:27
146
12
1133
Virtual karabakh

Qubada təcili tibbi yardım maşınlarında videomüşahidə ilə yardım olacaq - FOTO

28 Sen, 2022
12:27
1133

Qubada təcili tibbi yardım maşınlarında videomüşahidə ilə yardım olacaq - FOTO

Quba rayonunda təcili tibbi yardım maşınlarında xəstələrə videomüşahidə ilə anında yardım aparmaq mümkün olacaq.

Bu barədə Oxu.Az-a Quba Rayon Mərkəzi Xəstəxanasının direktoru Əlyar Sərvərov deyib. 

O bildirib ki, pilot layihə ilk dəfə Qubada tətbiq edilir.

Ə.Sərvərov onu deyir ki, hazırda iki təcili tibbi yardım maşınına kamera quraşdırılıb:

“Bu, imkan verir ki, xəstənin profilinə uyğun xəstəxanada olan həkim təcili yardım həkiminə anında müdaxilə etməsi üçün göstərişlər versin. Anında yardım göstərilməklə həm xəstənin həyatı qurtarılır, həm də o ən yaxın tibb mərkəzinə çatdırılır”.

Direktor bildirib ki, layihə İcbari Tibbi Sığorta üzrə Dövlət Agentliyinə təqdim edilib:

“Uğurlu olarsa, respublika üzrə tətbiqi nəzərdə tutulur. Bu ölüm hallarının azalmasına səbəb olacaq. Məsələn, layihənin tətbiqinə başlanandan Qubada ölüm hallarında kifayət qədər azalma var”.

Könül Cəfərli

Bizimlə əlaqə saxlayın

Digər Cəmiyyət xəbərləri