Mar
2024
12:08
51
13
769
Virtual karabakh

Fevral ayı ərzində qazla bağlı 68 minə yaxın nöqsan aşkarlanıb - FOTO

1 Mar, 2024
12:08
769

Fevral ayı ərzində qazla bağlı 68 minə yaxın nöqsan aşkarlanıb - FOTO

Bizim WhatsApp kanalımıza buradan abunə ola bilərsiniz

“Yanvar ayından etibarən mənzillərdə qaz təchizatı ilə bağlı təhlükəsizlik nəzarəti ilə əlaqədar müayinələr aparılır. Təkcə fevral ayında 111 minə yaxın mənzildə müayinə aparılıb. 68 minə yaxın nöqsan aşkarlanıb”.

Oxu.Az xəbər verir ki, bu barədə SOCAR “Azəriqaz” İstehsalat Birliyinin (İB) SƏTƏM və Təhlükəsizliyə Nəzarət şöbəsinin müdiri İlkin Behbudov məlumat verib.

O bildirib ki, müayinələrin nəticələrinə müvafiq olaraq, 4 855 mənzildə xüsusi təhlükəli vəziyyət nəzərə alınaraq mənzildə qaz təchizatının dayandırılmasına məcbur qərar verilib:

“Bu istismara tam yararsız olan sayğaclara aiddir. Bilirsiniz ki, biz nöqsanlar aşkarlanan zaman bir ay möhlət veririk. Lakin bu müayinələr zamanı aşkarlanan nöqsanlar təhlükəli olduğundan qaz təchizatı dayandırılıb. Əsasən nöqsanlar hamam otaqlarında, mətbəxdə aşkarlanıb. Mənzillərdə daha çox mətbəx otaqlarının yerləri dəyişir. Bu zaman qaz xətlərinin yerlərinin dəyişdirilməsi, rezin birləşmələr texniki şərtlərin pozulmasına səbəb olur. Bu zaman qanunamüvafiq olaraq abonent barədə müvafiq tədbir görülür”.

O bildirib ki qaz təchizatı ilə bağlı qurğuların istismar müddətinin bitdiyi aşkarlanıb:

“Xüsusilə köhnə qaz boruları təhlükəlidir. Qaz təchizatına aid müvafiq qurğuların istismar müddəti 10-15 il müddətinə verilir. Nəzərə almaq lazımdır ki, heç nə insanın öz canından və ailə üzvlərinin təhlükəsizliyindən önəmli deyil. Bu cür nöqsanlar gələcəkdə bədbəxt hadisələrə səbəb ola bilər”.

Daha ətraflı foto burada PhotoStock.az

Könül Cəfərli

Bizimlə əlaqə saxlayın

Digər Cəmiyyət xəbərləri