Yanvarın 16-dan Türkiyənin Kayseri şəhərində yerli komanda və Rumıniya yığması ilə birgə təlim-məşq toplanışı keçən qadın güləşçilərimizdən ibarət millimiz 2019-cu ildə ilk yarışına çıxacaq.
Oxu.Az xəbər verir ki, fevralın 1-3-də Fransanın Nitsa şəhərində keçiriləcək Qran-Pridə ölkəmizi baş məşqçi Aslan Ağayev və məşqçi Rövşən Umudovun rəhbərliyi altında Türkan Nəsirova (-50 kq), Anjela Doroqan, Tatyana Vorontsova (hər ikisi -53 kq), Alyona Kolesnik (-57 kq), Tatyana Omelçenko (-59 kq), Elmira Qəmbərova (-62 kq), İrina Netreba (-65 kq), Elise Manolova (-68 kq) və Səbirə Əliyeva (-76 kq) təmsil edəcək.
Qeyd edək ki, III dərəcəli beynəlxalq hakim Bəşir İsazadə ənənəvi turnirdə ədaləti qoruyacaq.
