Fev
2019
16:16
193
22
2214
Virtual karabakh

Kişi şahmat millimiz dünya çempionatına Avropa çempionu kimi qatılacaq

1 Fev, 2019
16:16
2214

Kişi şahmat millimiz dünya çempionatına Avropa çempionu kimi qatılacaq

Bizim WhatsApp kanalımıza buradan abunə ola bilərsiniz

Martın 5-dən 14-dək Qazaxıstanın paytaxtı Astanada şahmat üzrə növbəti dünya çempionatı keçiriləcək.

Oxu.Az xəbər verir ki, FIDE (Beynəlxalq Şahmat Federasiyası) bunun üçün iştirakçı kişi və qadın komandaların tərkibini elan edib.

Azərbaycanın kişi şahmatçıları son Avropa çempiatında – 2017-ci ildə Yunanıstanın Krit adasında keçirilmiş qitə birinciliyinin qalibi kimi turnirə vəsiqə qazanıb. Bundan başqa, Çin (son dünya çempionu), İran (Asiya çempionu), ABŞ (Amerika qitəsinin ən yüksək reytinqli komandası), Misir (Afrikanın ən yüksək reytinqli komandası), Rusiya (şahmat Olimpiadasının bürünc mükafatçısı), Polşa (Olimpiadanın dördüncüsü), İngiltərə (Olimpiadanın beşincisi), Qazaxıstan (ev sahibi) və Hindistan (FIDE prezidenti tərəfindən "vayd kard" verilib) iştirak edəcək.

Ehtiyat komandaların da siyahısı açıqlanıb. Hindistan iştirak etməyəcəyi halda ardıcıllıq bu qaydada olacaq: Vyetnam, Ermənistan, Fransa və Ukrayna.

Qadın millilərdə isə bu on komanda iştirakçı olacaq: Rusiya (son dünya çempionu), Çin (Asiya çempionu), ABŞ (merika qitəsinin ən yüksək reytinqli komandası), Misir (Afrikanın ən yüksək reytinqli komandası), Ukrayna (şahmat Olimpiadasının gümüş mükafatçısı), Gürcüstan (Olimpiadanın bürünc mükafatçısı), Macarıstan (Olimpiadanın beşincisi), Ermənistan (Olimpiadanın altıncısı), Qazaxıstan (ev sahibi), Hindistan (FIDE prezidenti tərəfindən "vayld kard" verilib).

Ancaq qadınların yarışında ötən il Gürcüstanın Batumi şəhərində keçirilmiş Olimpiadada onuncu yeri tutmuş Azərbaycan da iştirak edə bilər. Bu o halda baş verəcək ki, Hindistan yarışdan imtina etsin.

Qeyd edək ki, hər ölkənin şahmat federasiyası iştirak üçün FIDE-yə 1000 avro ödəyir. Bundan başqa, səfər xərcləri də federasiyalar tərəfindən ödənir. Yalnız hər komandadan altı nəfərin ev sahibi federasiya tərəfindən təklif etdiyi (minimum dörd ulduz) hoteldə məskunlaşması pulsuz başa gəlir. 

Səbuhi MUSAYEV

Bizimlə əlaqə saxlayın

Digər İdman xəbərləri