Bu gün Çempionlar Liqasında yarımfinal mərhələsinə start veriləcək.
Oxu.Az xəbər verir ki, final uğrunda ilk oyun Londonda keçiriləcək.
İngiltərənin “Tottenhem” klubu Hollandiya “Ayaks”ını qəbul edəcək.
Görüş Bakı vaxtı ilə 23:00-da başlayacaq.
Xatırladaq ki, “Ayaks” final yolunda “Real” və “Yuventus” kimi nəhəngləri yarışdan kənarlaşdırıb. “Tottenhem” isə “Borussiya Dortmund” və “Mançester Siti”yə qalib gələrək yarımfinala yüksəlib.
Mərhələnin digər ilk oyununda sabah İspaniyanın “Barselona” klubu İngiltərənin digər təmsilçisi “Liverpul”u qəbul edəcək.
