Avropa Liqasının bir oyunu təxirə salındı

Avropa Liqasının 1/16 final mərhələsinin cavab oyunları çərçivəsində bu gün keçirilməli olan “Zalsburq” – “Ayntraxt” görüşü təxirə salınıb. 

Oxu.Az xəbər verir ki, bu barədə UEFA açıqlama yayıb. 

Bildirilib ki, buna fırtına xəbərdarlığı səbəb olub. 

Oyunun keçiriləcəyi Zalsburq şəhərində küləyin sürətinin saatda 120 km-ə çatacağı gözlənilir. Buna görə matçın oynanılmamasına qərar verilib. Qarşılaşmanın yeni tarixi isə daha sonra açıqlanacaq. 

Qeyd edək ki, Frankfurtdakı ilk görüşdə “Ayntraxt” rəqibini 4:1 hesabı ilə məğlub etmişdi.