Beynəlxalq federasiyadan Azərbaycanın qız idmançısı ilə bağlı QƏRAR

Azərbaycanın daha bir üzgüçüsü Tokio Olimpiya Oyunlarında çıxış edəcək.

Oxu.Az-ın əldə etdiyi məlumata görə, Beynəlxalq Üzgüçülük Federasiyası (FINA) qadın üzgüçü Məryəm Şeyxəlizadəxangaha “vayld kard” verib.

Bununla da İran əsilli idmançı Azərbaycanı Olimpiadada xüsusi dəvət əsasında təqdim edəcək. İyulun 17-də 17 yaşı tamam olacaq Məryəm Şeyxəlizadəxangah İranın paytaxtı Tehranda doğulub və 2019-cu ildən Azərbaycan yığmasının üzvüdür.

Daha əvvəl Ukrayna əsilli üzgüçü Maksim Şemberevin Azərbaycanı təmsil edəcəyi bəlli idi.

Qeyd edək ki, üzgüçülük yarışları Tokio Olimpiadasında 24 iyulda başlayacaq və 5 avqustda başa çatacaq.

Səbuhi Musayev