ABŞ-ın dövlət borcu tarixi rekorda çatdı
ABŞ-ın dövlət borcu tarixi rekorda çatdı
ABŞ-ın dövlət borcu 22 trilyon dolları ötüb. ABŞ Maliyyə Nazirliyinə görə, bu, ölkə tarixində qeydə alınmış ən yüksək borc göstəricisidir.
Bu barədə “RİA Novosti” ABŞ mətbuatına istinadən məlumat yayıb.
Hazırda Tramp administrasiyasının rəhbərliyi altında Birləşmiş Ştatların dövlət borcu 22,012 trilyon dollar təşkil edir.
2019-cu ilin fevral ayının əvvəlindən bəri borc 90 milyard dollara yaxın artıb. Son 11 ay ərzində isə dövlət borcunun artımı bir trilyon dollardan çox təşkil edib.
“USA Today” nəşrinə görə, Donald Trampın prezident olduğu müddətdə dövlət borcu ən yüksək templərlə çoxalır. Bu sıçrayış başlıca olaraq Tramp administrasiyasının ötən il qəbul etdiyi vergi islahatları ilə əlaqələndirilir.
İslahatların dövlət büdcəsinə 1,5 trilyon dollar ziyan vurduğu bildirilir. Digər səbəb kimi Trampın dövründə hərbi xərclərin artması göstərilir.