Netanyahunun “Likud” partiyası İsrail seçkilərində liderdir - YENİLƏNİB

İsraildə növbədənkənar parlament seçkilərində səsvermə başa çatıb.

Exit-pollun ilkin nəticələrinə görə, Binyamin Netanyahunun “Likud” partiyası parlamentdə 30 yerlə seçkilərdə liderlik edir.

İsrailin baş naziri Lapidin “Yeş Atid” partiyası parlamentdə 22 yer qazanaraq seçkilərdə ikinci yeri tutur.

Qeyd edək ki, “Likud” partiyasının rəhbərlik etdiyi Netanyahu bloku 120 yerdən 62-ni qazanaraq İsraildə hökumət koalisiyası yarada bilər.

Mənbə: TASS

09:49

Bu gün yerli vaxtla saat 07:00-da (Bakı vaxtı ilə 09:00) İsraildə Knessetə seçkilər başlayıb.

Qeyd olunur ki, 6 milyondan çox İsrail vətəndaşı 12 495 seçki məntəqəsində Knessetə layiq bildiyi namizədlərə səs verəcək.

Seçki məntəqələrində və onların yaxınlığında 18 min polis əməkdaşı asayişi təmin edəcək.

Xatırladaq ki, bu son 3 ildə İsraildə keçirilən 5-ci parlament seçkiləri olacaq.

Mənbə: vesty.co.il