İmran Xanın cəzasını harada çəkəcəyi bəlli oldu - YENİLƏNİB

Pakistanın keçmiş baş naziri və müxalifətdəki Ədalət Hərəkatının lideri İmran Xan Ravalpindi mərkəzi həbsxanasında saxlanılacaq.

Bu barədə Lahor şəhərinin polis rəisi Bilal Siddiq Kamiana istinadən məlumat yayılıb. 

Onun sözlərinə görə, İslamabada gəldikdən sonra Xan Ravalpindi şəhərinin mərkəzi həbsxanasına aparılacaq. 

Gözlənildiyi kimi, eks-baş nazir öz cəza müddətini burada keçirəcək. 

Mənbə: TASS

16:47

Polis Lahorda həbs edilən Pakistanın keçmiş baş naziri və müxalif Ədalət Hərəkatı Partiyasının sədri İmran Xanı helikopterlə İslamabada aparacaq.

Məlumata görə, Xanın vəkilləri onun həbsinin qanuniliyinə etiraz etmək üçün artıq Lahor Ali Məhkəməsinə müraciət ediblər.

Qeyd edək ki, partiya sədrinə qarşı dələduzluq və əcnəbi liderlərdən qeyri-qanuni hədiyyə satışı əməliyyatları ilə bağlı ittihamlar ötən il istintaq orqanlarının tələbi ilə irəli sürülüb.

12:57

Pakistanın keçmiş baş naziri və müxalifətdəki Ədalət Hərəkatı Partiyasının sədri İmran Xan üç il müddətinə azadlıqdan məhrum edilib.

Məlumata görə, keçmiş hökumət başçısı korrupsiyada təqsirli bilinib. Məhkəmə həmçinin onu 100 min rupi (1209 dollar) məbləğində cərimələyib.

Mənbə: Dawn