Baku TV Bakıda tikintisi illərdir yarımçıq qalan binalar haqqında reportaj hazırlayıb.
Sakinlər məsələyə münasibət bildirərək qeyd ediblər ki, belə binalar həm şəhərin görüntüsünü korlayır, həm də vətəndaşlara mane olur.
"Binanın hansısa məmura məxsus olduğunu eşitmişəm. Həmin şəxs vəzifədən kənarlaşdırıldıqdan sonra tikintisi yarımçıq qalıb. Bina tikiləndə buradakı ağacların hamısını çıxarıb apardılar, dayanacağın da yerini dəyişdilər", - deyə sakin narazılığını bildirib.
Reportajda o da vurğulanıb ki, bu binalara tullantıların atılması nəticəsində zibil poliqonuna çevrilir.
