:1200.jpg)
“Bu günə kimi koronavirusa yoluxmuş xəstələrimizin təxminən 76,7 faizində simptomlar yüngül müşahidə olunub”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.
Sədrin sözlərinə görə, koronavirusa yoluxanların 23-24 faizində müxtəlif simptomlar kəskin müşahidə edilib:
“Xəstələrin 7,1 faizində vəziyyət kafi, 11-12 faizində orta ağır, 4-5 faizində isə ağır qiymətləndirilib”.
“Müalicəsi davam edən xəstələrin yanaşı gedən xəstəlikləri, əsasən, şəkərli diabet-II tip, arterial hiperteniya, ürəyin işemik xəstəliyi, xroniki böyrək çatışmazlığı, ağciyər xəstəlikləri olub.
Ümumilikdə, xəstələrin 1,6 faizinin süni tənəffüs cihazına ehtiyacı yaranıb. 4-10 may tarixlərində yoluxma halları üzrə ən yüksək rəqəmi müşahidə etmişik”, - deyə o qeyd edib.
İlhamə Əbülfət
