Azərbaycanın sərnişin təyyarəsində insident - Zolaqdan çıxdı - FOTO

Azərbaycana məxsus təyyarə hava limanına eniş edərkən zolaqdan kənara çıxıb.

Oxu.Az xəbər verir ki, hadisə “Silk Way Business Aviation” şirkətinə məxsus sərnişin təyyarəsinin Rusiyanın paytaxtı Moskvada yerləşən Şeremetyevo hava limanına enişi zaman baş verib.

Təyyarənin göyərtəsində üç sərnişin olub. Rusiya KİV-in məlumatına əsasən, onlardan biri Azərbaycan vətəndaşı olan kişi, digər ikisi isə Rusiya və Belarus vətəndaşları olan qadınlar olub.

İlkin məlumata görə, insident nəticəsində heç kim xəsarət almayıb, təyyarəyə ziyan dəyməyib.

Bu barədə məlumatı Oxu.Az-a AZAL-ın mətbuat xidmətinin rəhbəri Paşa Kəsəmənski təsdiqləyib.

Könül Cəfərli