Bakının Binəqədi rayonu, Biləcəri qəsəbəsində kanalizasiya xəttində yaranan problem sakinlər üçün ciddi çətinlik yaradıb.
Kanalizasiya sularının daşması nəticəsində ərazidə antisanitar vəziyyət yaranıb, çirkab suları yaxınlıqdakı fərdi yaşayış evlərinə doğru axır.
Biləcəri qəsəbəsində daşan kanalizasiya sakinlər üçün təhlükə yaradır - Video
Sakinlərin sözlərinə görə, problem artıq bir aydan çoxdur davam edir.
Suyun səviyyəsinin qalxmasının qarşısını almaq üçün onlar ərazidə özləri arx yaradaraq çirkab sularının axması üçün şərait yaradıblar.
Vətəndaşlar Baku TV-yə bildirirlər ki, məsələ ilə bağlı aidiyyəti qurumlara dəfələrlə müraciət etsələr də, problem tam həll olunmayıb.
Sakinlər ərazidə kəskin qoxunun yayıldığını, yaranmış antisanitar vəziyyətin isə xüsusilə uşaqlar üçün narahatlıq yaratdığını deyirlər.
Qaynar xətt:
(055) 224 12 12
