Suraxanı rayonunun Binə qəsəbəsinin 178-ci məhəlləsinin sakinləri yol problemindən əziyyət çəkirlər.
Baku TV-yə danışan sakinlərin sözlərinə görə, yağış yağan kimi küçədə hərəkət etmək mümkünsüz olur.
Binə sakinlərini təngə gətirən məsələ: "Xəstə uşağa təcili yardım çağırırıq, gəlmir" - VİDEO
"Uşaqlarımız məktəbə gedə bilmir, evdə xəstə uşağımız var, təcili yardım çağırırıq, gəlmir. Dəfələrlə müraciət etmişik, baxan yoxdur", - deyə sakin narazılığını ifadə edib.
Məsələ ilə bağlı Suraxanı Rayon İcra Hakimiyyətindən bildirilib ki, asfaltlanmaya ehtiyac olan küçələrin təmir olunması ilə bağlı vətəndaşların müraciəti əsasında aidiyyəti qurum - Avtomobil Yolları Dövlət Agentliyinə məktub ünvanlanıb.
Qeyd olunub ki, yolların asfaltlanması mərhələli şəkildə həyata keçiriləcək.
:640.jpg)
