Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi bəzi "ASAN xidmət" mərkəzlərində informasiya kommunikasiya texnologiyaları (İKT) infrastrukturunun yenilənməsi məqsədilə avadanlıqların satın alınması ilə bağlı açıq tender elan edib.
Oxu.Az xəbər verir ki, tenderin ehtimal olunan dəyəri 3 milyon 953 min 722,16 manat təşkil edir.
Tender çərçivəsində server avadanlıqları, əsas şəbəkə avadanlıqları (core switch), şəbəkə avadanlıqları (switch), naqilsiz şəbəkəyə giriş avadanlıqları (access point), iki şəbəkə kartı ilə təchiz olunmuş kompüterlər, notbuklar, monitorlar, printerlər, fasiləsiz enerji mənbələri (UPS), məlumatların saxlanılması sistemləri, təhlükəsizlik və digər İKT avadanlıqlarının satın alınması nəzərdə tutulur.
Tender sənədlərinə əsasən, satınalma bəzi "ASAN xidmət" mərkəzlərində İKT infrastrukturunun yenilənməsi məqsədini daşıyır.
