Gəncənin bəzi ərazilərində qazın verilişi tam bərpa olunub - YENİLƏNİB + FOTO

Gəncənin bəzi ərazilərində qazın verilişi tam bərpa olunub.

“Report”un məlumatına görə, Gəncə Regional Qaz İstismar İdarəsinin əməkdaşları tərəfindən görülən tədbirlər nəticəsində sıradan çıxmış qaz xətti təmir edilib.

18:54

Gəncədə qazın kəsilməsinə səbəb olan hadisənin təfərrüatı açıqlanıb.

“Report”un məlumatına görə, yeniyetmə atasına məxsus yük maşınını icazəsiz idarə edən zaman onu qaz xəttinə çırpıb.

Nəticədə boru sınıb, qaz təsərrüfatına zərər dəyib.

Hazırda Qaz idarəsinin əməkdaşları tərəfindən yaranmış problemin aradan qaldırılması istiqamətində işlər davam etdirilir.

Bildirilib ki, işlər başa çatan kimi qazın verilişi tam bərpa olunacaq.

17:40

Gəncə şəhərində bəzi ərazilərdə təbii qazın verilişi dayandırılıb.

“Report” xəbər verir ki, buna səbəb avtomobilin yoldan çıxaraq qaz xəttini sındırması olub.

Hazırda aidiyyəti qurumların əməkdaşları tərəfindən yaranmış problemin aradan qaldırılması istiqamətində işlər aparılır.